ဘာကြောင့် မတူရတာလဲ

ပြဿနာတစ်ခုခုနဲ့ကြုံရင် ဒီပြဿနာသည် ဘာကြောင့်ဖြစ်တာလဲဟု အကြောင်းကို ရှာသောသူ
လောကမှာနည်းပါတယ်။ ဒီပြဿနာ ဘယ်အချိန်ကဖြစ်တာလဲ ? ဘယ်သူ့ကြောင့်ဖြစ်တာလဲဟု
အကြောင်းမဟုတ်သည်ကိုသာ ရှာကြသည်။ ယ္ခု သူဌေးကတော် ဓမ္မဒိန္နာသည်ကား သူဌေးကြီး
ဘာကြောင့် အရင်ကနဲ့ မတူရသလဲ ဟု အကြောင်းတရားကိုသာ ရှာပါတယ်။
ဒါနဲ့ သူဌေးကြီးက စဉ်းစားတယ်၊ အင်း ဒီပြဿနာကတော့ မပြောမပြီး မတီးမမည် ဆိုသလို
ပြောပြမှ သဘောကျချေတော့မယ်လို့ စဉ်းစားပြီး၊ ချစ်နှမမောင်ကြီးကတော့ မြတ်စွာဘုရားရှင်၏
တရားတော်ကို နာကြားရပြီး တရားထူးရလာပြီ၊ ဒီတော့ နှမတော် အိမ်မှာနေလိုက မောင်ကြီးကို
အစ်ကိုကြီး တစ်ယောက်ပမာထားပြီးနေ၊ နောက်ထပ် အိမ်ထောင်ပြုလိုကလည်း မောင်ကြီးခွင့်ပြု
တယ် လို့ ရှင်းပြလိုက်တယ်။
ဒီစကားကြားလိုက်ရတော့ ဓမ္မဒိန္နာရင်ထဲမှာ မခံချင်စိတ်နဲ့မာနလေးဖြစ်သွားတယ်။ စဉ်းစားကြည့်
ပေါ့လေ ကာမဂုဏ်တွေခံစားဖို့ကလည်း အရွယ်ကောင်းပဲရှိသေး၊ အလှဂုဏ်နဲ့ ဓနမာန်ကလည်း
ပြောစရာမရှိလောက်အောင် ပြည့်စုံနေတဲ့ မိန်းမသားတစ်ဦးဟာ အမျိုးသားရဲ့ စွန့်ပယ်ခြင်း ခံရ
လေတော့..........။ သို့သော် ဓမ္မဒိန္နာရဲ့မာနတို့သည် ကောင်းသော ရဲရင့်ခြင်းဘက်သို့
ဦးတည်သွားခဲ့ပါတယ်။ ဒီလို တရားထူးဆိုတာကို မောင်ကြီးတို့ အမျိုးသားတွေကပဲ ရနိုင်တာ
လားလို့ ပြန်မေးလိုက်ပါတယ်။ သူဌေးကြီး ၀ိသာခကလည်း မဟုတ်ပါဘူး၊ တရားတော်ဆိုတာ
ကျင့်ရင်ကျင့်တဲ့သူ အကျိုးရပါတယ်။ မိန်းမ၊ ယောက်ျား၊ လူမျိုး၊ ဘာသာ ခွဲခြားမှု မရှိပါဘူး လို့
ပြန်ဖြေလိုက်တယ်။ ချက်ချင်းပဲ ဓမ္မဒိန္နာက သူဌေးကြီးထံ ခွင့်တောင်းပါတယ်။ ကျွန်ုပ်ကို ဘိက္ခုနီ
ပြုခွင့်ပေးပါ လို့ ခွင့်တောင်းလိုက်တယ်။
သူတော်ကောင်းဓာတ်ရှိတဲ့သူတွေများကတော့ စိတ်ဓာတ်ရော၊ လုပ်ရပ်ရော ပြတ်သားပါတယ်။
အရင်ကနဲ့ ဘာကြောင့်မတူတော့တာလဲ ဆိုတာကို အဖြေရှာရသွားချိန်ကစပြီး သီလ၊ သမာဓိ၊
ပညာ တရားတွေကို အရင်ကနဲ့ မတူအောင် ဖြည့်ကျင့်လိုက်တာ မကြာခင် ရဟန္တာ ဖြစ်သွားပါ
တော့တယ်............။ သူတော်ကောင်းမှန်ရင် အရင်ကနဲ့မတူအောင်ကို တစ်နေ့တခြား
သီလ၊ သမာဓိ၊ ပညာ တိုးပွားအောင် ကြိုးစားသင့်ပါတယ်လို့ တိုက်တွန်းလိုက်ပါတယ်။
မောင်ပညာ ( ကေတုမတီ ) ပြည့်ပြည့်

အရင်ကနဲ့ မတူတဲ့ သူ

အော် ထူးခြားပါလားလို့ စိတ်ထဲဖြစ်မိတာပါ။ သာသနာနှစ် ၂၅၅၅-ခု စစချင်း နှစ်ကူးနေ့မှာပါ
တနည်းပြောရရင် ဘုရားရှင်သာသနာတော်ကြီးတည်ထောင်တော်မူခဲ့သည်မှာ နှစ်ပေါင်း၂၆၀၀
ပြည့်သောနှစ်ပင်တည်း။ ယနေ့သာသနာတော်နှစ်ရေတွက်နေကြသည်မှာ မြတ်စွာဘုရားရှင်
ပရိနိဗ္ဗာန်ပြုပြီးနှစ်ကို ရေတွက်နေကြခြင်းပါ။ အကယ်၍ ဘုရားဖြစ်တော်မူသောနေ့မှစပြီး
ဝါ ၄၅-၀ါပါ ထည့်တွက်လိုက်လျှင် ဤလူ့လောကတွင် သာသနာတော်ကြီးတည်တံ့နေသည်
မှာ နှစ်ပေါင်း ၂၆၀၀ ပင်ရှိခဲ့ပါပြီ။ ထိုသို့ထူးခြားသည့်နှစ်သစ်အစတွင် တရားလေးတစ်ပုဒ်
ဟောဖြစ်ခဲ့ပါတယ်။ ခေါင်းစဉ်လေးက အရင်ကနဲ့ မတူတဲ့သူ ပါတဲ့။
အရင်ကနဲ့မတူတော့ဘဲ ထူးခြားသွားတဲ့သူတစ်ယောက်ရဲ့ အကြောင်းရယ်ပါ။ သင်္ဂါယနာတင်
ထားတဲ့နိကယ်ငါးရပ်ထဲက မဇ္ဈိမနိကယန်၊ မူလပဏ္ဏာသ မှာလာတဲ့စူဠဝေဒလ္လသုတ်မှ သူဌေး
ကြီးဝိသာခ နှင့် သူဌေးကတော် ဓမ္မဒိန္နာတို့ အရင်ကနဲ့ ဘာကြောင့်မတူတော့တာလဲ ဆိုတာ
လေးကို ဟောပြောရင်း သဘောကျမိတယ်။ လောကသဘာဝကိုပါ။ လောကမှာ အမျိုးသမီး
တွေသည် အမျိုးသားများကို မယုံကြဘူး။ တစ်ခုခု ဖြစ်တာနဲ့ သံသယမျက်လုံးနဲ့ ကြည့်တတ်
ကြတယ်။ အော် ယုံကြည်မှုနဲ့ တည်ဆောက်ထားခဲ့တဲ့ ဘ၀တစ်ခုကို ဘာအကြောင်းနဲ့မှ အပျက်စီး
မခံဘူး ဆိုတဲ့ စိတ်ဓာတ်မျိုး နည်းကြတာ တွေ့ရလို့ပါ။
သီလ၊ သမာဓိ၊ ပညာ ဆိုတဲ့ သိက္ခာသုံးရပ် အကျင့်မြတ်တွေ ဖြည့်ကျင့်နေသော သူဌေးကြီး
ဝိသာခဟာ တစ်နေ့မှာ သူ့ရဲ့အမူအယာတွေ အရင်ကနဲ့မတူဘဲ ဖြစ်လာတယ်။ သူရဲ့ ဇနီးနဲ့လည်း
အရင်လို အတူမနေတော့ဘဲ ရှောင်ဖယ် ရှောင်ဖယ်လုပ်လာတဲ့အခါမှာ သူဌေးကတော် ဓမ္မဒိန္နာ
မည်သို့မည်ပုံမျှ မခံစားနိုင်တော့ပါ။ ဒါကြောင့် သူဌေးကြီးထံသွားပြီး အကယ်၍ မိမိမှာ အပြစ်
တစ်စုံတရာရှိခဲ့ပါလျှင် ပြုပြင်ဖို့ မည်သည့်အပြစ်ကြောင့် ခုလိုဆက်ဆံရပါသလဲလို့ မေးမြန်းလိုက်
တယ်။ ဒီနေရာမှာ သူတော်ကောင်းစိတ်ဓာတ်ရှိသူက သူအခုလိုပြောင်းလဲပြီးအရင်နဲ့မတူတာသည်
အပြင်မှာများနောက်ထပ်အသစ်တွေ့နေလို့လားလို့ မတွေးပါဘူးနော်။ မိမိ၏ အပြစ်ရှိနေလို့များလား
လို့ မိမိအပြစ်ကိုသာ မေးပါတယ်။ ကဲ ကိုယ်ဘေးကလူများ အရင်ကနဲ့ မတူဘဲ ဖြစ်လာရင် မိမိကော
ဘယ်လိုစိတ်ဓာတ်မျိုးနဲ့ မေးမလဲ ?
မောင်ပညာ ( ကေတုမတီ ) ပြည့်ပြည့်

ဘ၀စာမျက်နှာပေါ်မှ တိုက်ဆိုင်မှုများ ( ၃ )

တိုက်ဆိုင်မှုဆိုတာ လိုက်ကိုင်ကြည့်လို့မရမှန်း အခုမှပဲသိတော့တယ်။
တိုက်ဆိုင်တဲ့အကြောင်း တွေးနေတဲ့ ကျွန်ုပ်ဆီသို့ တိုက်ဆိုင်မှုတစ်ခုက ထပ်ရောက်
လာပါတယ်။ တိုက်ဆိုင်လိုက်တာများကွာ...........ဆိုသလိုပေါ့။
ကားပေါ်က ဆင်းဆင်းချင်း ဘယ်ကြွမလို့ပါလဲ အရှင်ဘုရားဆိုပြီး အနား
ရောက်လာတဲ့ တက္ကစီ သမားကြောင့် တွေးလက်စ အတွေးလေးတွေပျောက်သွားတယ်။
ဒါနဲ့ သူ့ကို ရေကျော်ကို လို့ပြောရင်း ကြည့်မိတော့ ဟိုတစ်ခေါက် တောင်ငူကပြန်လာ
တုန်းက ငှားဖူးတဲ့ ကားသမားမှန်း ချက်ချင်းမှတ်မိလိုက်တယ်။ ဒါနဲ့ ကားပေါ်တက်တော့
သူက မြို့ထဲလမ်းကြုံဆိုပြီး နောက်ထပ် ပါစင်ဂျာ တစ်ယောက်ကိုထပ်တင်တယ်။ အော်
ဒါလည်း ဟိုတစ်ခေါက်က အတိုင်းပါလားလို့ တွေးမိပြီး ပြုံးမိတယ်။ အော် .. တောင်ဥက္ကလာ
ကို ကားစီးတာ နှစ်ခေါက်ရှိပြီ နှစ်ခေါက်စလုံးမှာ ဒီကားသမားနဲ့ချည်းတိုးတာ ဒါလည်း
ရေစက်လား၊ မီးစက်လားတော့မသိပါဘူး။ ကားပေါ်ရောက်တာနဲ့ ကားသမားဟာ သူ့ရဲ့
ဟိုတစ်ခါ လာတုန်းက အကျင့်အတိုင်း ပေါက်ပေါက်ဖောက်ပါတော့တယ်။ ကိုယ်ကလည်း
သွားပြောမိတာကိုး....။ ဒကာကြီး ဆွမ်းချိန်နီးလို့ ခပ်သုတ်သုတ်လေးမောင်းပေးပါလို့။
အင်း ပြဿနာကစပြီ။ အရှင်ဘုရားရေ အမြန်လိုမှ အနှေးတွေ့ပြီဆိုပဲ။ ရှေ့ကကားကလည်း
မီးပွိုင့်စိမ်းနေတာကို သုပ်သုပ်မထွက်ဘူး နှေးကွေးလုပ်နေတာကိုး...။ ဒါနဲ့ စကားပြောရင်း
ဒကာကြီးနဲ့ ဟိုတစ်ခါ ဦးဇင်းတောင်ငူက ပြန်လာတုန်းကလည်း ကားငှားဖူးတယ်နော်လို့
ပြောတော့ ဟာ ဟုတ်တယ် အရှင်ဘုရားပဲမဟုတ်လားတဲ့ တပည့်တော်လည်း မှတ်မိသလိုလို
တော့ရှိပါတယ်။ ဒါပေမယ့် အဲ့လောက်တိုက်ဆိုင်လိမ့်မယ်လို့ မထင်မိလို့ဘုရား။ အင်း
ဟုတ်တော့လည်း ဟုတ်သား တစ်နေ့တစ်နေ့ ကားငှားပြီးစီးသူတွေ နည်းမှာမဟုတ်ပေ။
ထိုအထဲတွင် ဘုန်းတော်ကြီးများ မည်မျှပါမည်ကိုလည်း မသိပါလေ။ သို့သော် သူက ဒီ
ရေစက်ကိုလက်ခံပုံရတယ်။ အရှင်ဘုရား နဲ့ တပည့်တော် ရေစက်ပါလို့ ပြန်ဆုံတာပေါ့
ဘုရားတဲ့ ....။ ဒါကြောင့် ငါးရာလျော့လိုက်ပါတယ်ဘုရားတဲ့။ ဟားးးးးးးးးးးးးးးးးး။
တိုက်ဆိုင်ပုံကတော့များ.........။ ရေစက်ကိုပဲ ကျေနပ်ရတော့မလားမသိပါဘူးနော်။
အော် ဘ၀ ဘ၀ စာမျက်နှာလေးတစ်ရွက်ပေါ်မှာတင် တိုက်ဆိုင်မှုတွေများလိုက်ပါဘိနော်။
သံသရာစာမျက်နှာပေါ်တွင်ကား တိုက်ဆိုင်မှုပေါင်း အင်း သူတို့အပြောနဲ့ဆိုရင်တော့
ရေစက်ပေါင်း၊ မီးစက်ပေါင်း မည်မျှရှိလိုက်မည်နည်း။
မောင်ပညာ ( ကေတုမတီ ) ပြည့်ပြည့်

ဘ၀စာမျက်နှာပေါ်မှ တိုက်ဆိုင်မှုများ ( ၂ )

တိုက်ဆိုင်မှုရှိတယ်ဆိုတာ တိုက်ဆိုင်လို့ပါ။ အားလုံးတိုက်ဆိုင်
ဖူးကြမှာပါ။ တိုက်ဆိုင်သဖြင့် ဘယ်လိုများခံစားရပါသလဲလို့မေးရင်တော့။
တိုက်ဆိုင်ဖူးကြသူတိုင်းသိကြမှာပါ။ တစ်ခါတစ်လေ ၀မ်းသာစရာလေးများ
တစ်ခါတစ်လေကျတော့ ကြောက်လန့်ဖွယ်ရာများ၊ အော် တစ်ခါတစ်လေ
တောင်ငူစာဆိုနတ်သျှင်နောင် ပြောသလိုလေး လွမ်းဖွယ်ရယ်မကုန် တဲ့
လွမ်းမောဖွယ်တိုက်ဆိုင်မှုလေးတွေ အမျိုးမျိုးပေါ့လေ။ ဒီတစ်ခါ တိုက်ဆိုင်
တာကတော့ အဝေးပြေကားပေါ်မှာပါ။ တောင်ငူ-ရန်ကုန် အဝေးပြေးကား
တွေကို နောက်ပိုင်းပိုမိုစီးဖြစ်လာတယ်။ ရထား စီးရတာသက်သာပေမယ့်
အချိန်သက်သာဖို့ ကားကိုပဲရွေးချယ်ဖြစ်လာတယ်။
တစ်ခါက တောင်ငူကနေအပြန် ကားပေါ်မှာအိပ်ပြီးပါလာခဲ့တာ။
ကားအပေါ်ရောက်တာနဲ့ ဇာတ်ကားတစ်ကားပြနေတာ။ ကိုယ်လည်းအိပ်ချင်
တာနဲ့ အိပ်လာခဲ့တာ ဘာပြလို့ပြမှန်းလည်းမသိခဲ့ပါဘူး။ ဒါနဲ့ အိတ်ထဲက
ဖုန်းမြည်မှ ကမန်းကတန်းထပြီး ဖုန်းကိုင်တာ .....။ ဖုန်းကမြည်နေတယ် !
ဒါပေမယ့် ဖုန်းကမ၀င်ပဲမြည်နေတာ။ အံ့သြစရာပါပဲလားလို့ တွေးမိတယ်။
သေချာနားထောင်တော့ ဖုန်းသံမြည်နေပါတယ်။ အော် အဲ့တော့မှ သဘော
ပေါက်မိတယ်။ ကိုယ့်ဖုန်းထဲက ဖုန်းသံသည် ကားပေါ်ပြနေသော ဇာတ်ကား
ထဲမှ ဇာတ်ဝင်သီချင်းရဲ့ intro တေးသံ ဖြစ်နေတယ်။ ရယ်ချင်မိသွားတယ်။
အိပ်ချင်သလိုလိုဖြစ်နေသော မျက်လုံးတစ်စုံသည်လည်း သောမနဿစိတ်
အစဉ်ကြောင့် ကြည်လင်သွားပါပြီ။ အော် ဖုန်းထဲက ring သံကို ဘယ်ကနေ
ဘယ်သူက ထည့်ပေးလိုက်သည်မမှတ်မိတော့။ သို့သော် တီးလုံးသံ ယဉ်ယဉ်
လေးမို့ ထည့်ထားခဲ့တာ။ ခု မထင်မှတ်ပဲ တိုက်တိုက်ဆိုင်ဆိုင် ဒီသီချင်းပါသော
ဇာတ်ကားနဲ့ လာတိုးနေရသေးနော်.....။
အော် တိုက်ဆိုင်မှုတွေရှိလာတော့လည်း.............................။
မောင်ပညာ ( ကေတုမတီ ) ပြည့်ပြည့်

ဘ၀စာမျက်နှာပေါ်မှ တိုက်ဆိုင်မှုများ ( ၁ )

လူသားတိုင်းမှာ တိုက်ဆိုင်မှုဆိုတာ အထိုက်အလျောက်ရှိတတ်စမြဲပါ။
အင်း ကြီးကြီးကျယ်ကျယ်ပြောရရင်တော့ လူသားတစ်ယောက်ဘ၀ ရရှိလာတာ
ကိုက တိုက်ဆိုင်မှုပါပဲလေ။ ကံ ဆိုသော သင်္ခါရတွေတိုက်ဆိုင်လို့မဟုတ်ပါလော။
အော် ထိုကဲ့သို့ တိုက်ဆိုင်မှုတွေကြားကနေ ဘ၀မှာအထူးဆန်းဆုံးနဲ့ အမှတ်မိဆုံး
တိုက်ဆိုင်မှုလေးတွေကို သတိရတိုင်းပြုံးမိရာကနေ ထိုအပြုံကနေတဆင့် ကီးဘုတ်
ပေါ်လက်တွေရောက်ခဲ့ရတာပါ။
အော် ဘ၀တစ်ကွေ့မှာ သူနဲ့စတွေ့တာက ကျောင်းတက်ဖို့သွားသော
ဖယ်ရီကားပေါ်မှာပါ။ စတွေ့ကတည်းက သတိထားမိလောက်အောင် သူ့အရပ်
ကရှည်တာပါ။ မျက်နှာသွယ်သွယ် အရပ်ရှည်ရှည် သူ့ပုံစံ သူ့ဟန်က ကားပေါ်
မှာ အထင်ရှားဆုံးပေါ့။ ဒါနဲ့ ကျောင်းရောက်လို့ အားလုံးကိုယ်စီဆင်းသွားကြ
ပြီး အတန်းတွေတက်ကာ မေ့လျော့သွားခဲ့ပါတယ်။ ဒီလိုနဲ့ အချိန်တွေ ကြာပြီး
သုံးနှစ်လောက်ကြာတော့ သူငယ်ချင်းတစ်ယောက်ကနေ ဥပဒေတက်နေသော
သူ့သူငယ်ချင်းနဲ့ မိတ်ဆက်ပေးတယ်။ မြင်မြင်ချင်းသူ့ကို မှတ်မိလိုက်ပါတယ်။
မင်းငါ့ကို မှတ်မိလားလို့ မေးတော့။ အရှင်ဘုရားကို မြင်ဖူးသလိုလိုတော့ ရှိသား။
အံမယ် အေးပေါ့ တက္ကသိုလ်မှာက သင်္ကန်းဝတ်နဲ့ ကျောင်းတက်တာဆိုလို့ တစ်
ပါးစ နှစ်ပါးစ ပဲ ရှိတာဆိုတော့ မြင်ဖူးသလိုလို ရှိမှာပေါ့။ မင်းကိုတော့ တို့ ကောင်း
ကောင်းကြီးမှတ်မိတယ်ကွာလို့။ ကျောင်းကို စသွားတဲ့နေ့က ကျောင်းကားခေါင်မိုး
ပေါ်မှာထိုင်စီးကြတာ ဒကာလေးက ဦးဇင်းဘေးကမဟုတ်လားလို့။ ကားပေါ်က
ဆင်းတော့ ဘယ်သူနဲ့ စကားပြောနေတာက အစပြောလိုက်တော့။ အာ ဦးဇင်းက
အကုန်မှတ်မိတာပဲနော်တဲ့။ အေး အဲ့ဒီတုန်းက မင်းက ခုထက်ပိုပြီးအသားလတ်သေး
ခုတော့ မည်းပြီး ပိန်သွားလိုက်တာကွာလို့ ဆိုတော့ သူလည်း အရင်ကတည်းက
ရင်းနှီးပြီးသားလိုဖြစ်သွားပြီး သူ့သူငယ်ချင်းကို လှည့်ပြီးပြောတယ် တို့အရှင်က
ဥာဏ်တော်တော်ကောင်းတာပဲနော်တဲ့။ အော် သညာသတိနဲ့ ပညာအသိတို့
ဟာကွာပါတယ်။ သညာဆိုတာ မှတ်သားတဲ့အလုပ်ကိုပဲလုပ်တာပါ။ မှတ်ရုံမှတ်
တယ်။ ပညာကတော့ ဝေဖန်ပိုင်းခြားတတ်တဲ့ အသိဥာဏ်ပါ ပါတယ်လို့ ပြော
ပြရင်း တိုက်ဆိုင်မှုလေးကို မျှဝေလိုက်ရပါတယ်။
မောင်ပညာ ( ကေတုမတီ ) ပြည့်ပြည့်

အမှားကြာရင် အမှန်ထင်

မှားနေတာကို မှားနေပါတယ်လို့ ၀န်ခံရဲဖို့ဆိုတာ တကယ်မလွယ်ပါဘူး။
ဒါကြောင့် လူတွေကိုယ်မှန်တယ်ထင်တာကို သူများက မှားတယ်ပြောဘယ်လိုမှ
လက်မခံကြဘူး။ လောကကြီးမှာ လူတိုင်းအရိုးထဲထိ စွဲပြီး ထင်နေကြတဲ့ အမှား
ကြီးတစ်ခု ရှိပါတယ်။ လူတိုင်းလိုလို လက်ခံကြတယ်။ လူတိုင်းလိုလိုပြောဆို
ကြတယ်။ လူတိုင်းလိုလို ယုံကြည်နေကြတာ။ လူတိုင်းလိုလို ကျင့်သုံးနေကြ
တာအဆိုးဆုံးပေါ့။ ထိုကဲ့သို့ လိုလိုပေါင်းများစွာကို ဘယ်လိုများ ပြုပြင်ပေးရ
ပါ့မလဲလို့ တွေးမိရင်း မိမိရဲ့ ဘလော့ကနေ ဖတ်မိသူများ နားလည်ကြပါစေ
ဆိုတဲ့ စေတနာနဲ့ဒီနေ့ ဒီစာရေးလိုက်ရတာပါ။
လူ့ဘ၀ကို အပိုင်းသုံးပိုင်းပိုင်းကြပါတယ်။ ပထမအရွယ်မှာ ပညာရှာရ
မယ်တဲ့။ ဒုတိယ အရွယ်ကျတော့ စီးပွားရှာရမယ်တဲ့။ နောက်ရှာချင်တာများရှိ
ရင်လည်း ရှာကြသေးတယ်။ အဲ တတိယအရွယ်ရောက်တော့ တရားရှာမယ်။
ထိုကဲ့သို့ပိုင်းခြားပြီး လူအများစုဟာ ရှာဖွေနေကြပေါ့။ အသက်ရှင်နေကြပေါ့။
အော် ဘယ်သူကများ ပိုင်းခြားပေးခဲ့ပါလိမ့်နော်။ ဒါကို မှားတယ်ပြောရင် ဘယ်
သူကမှ လက်မခံကြဘူး။ မှားတယ်လို့ ဆိုချင်တာထက်မမှန်ဘူးလို့ ပြောလိုက်
ချင်တာ။ အားလုံးစဉ်းစားကြည့်ပေါ့လေ။ ပထမ အရွယ်ဆိုတာ မွေးသောအချိန်မှ
၂၅ နှစ် ထိတဲ့ ဒုတိယ အရွယ်ကျတော့ ၂၅ မှ ၅၀ ထိတဲ့ တတိယအရွယ်ဆိုသည်
ကား ၅၀ မှ ၇၅ ပါတဲ့ ။ ဆိုတော့ အရွယ်နဲ့ အလုပ်လုပ်ကြတယ်။ ဒီတော့ ဘာဖြစ်
ကြပါသလဲဆိုရင် ပထမအရွယ် ပညာရှာတယ် တရားလာမပြောနဲ့။ ဒုတိယအရွယ်
စီးပွားရှာတယ် တရားဆိုတာ အဘိုးကြီး အဘွားကြီးဖြစ်မှလုပ်ရတာ ဒီတော့ ငယ်
တုန်းရွယ်တုန်း မတရားတာလေးတွေ လုပ်ထားအုံးမယ်ဆိုပြီး။ အော် တရားဆိုတာ
ဘယ်သူတွေအတွက်လဲ ? မြတ်စွာဘုရားရှင်ပွင့်ထွန်းပေါ်ပေါက်လာတယ်ဆိုတာ
လူသားအားလုံးချမ်းသာအကျိုးအတွက်ပါ။ တရားဓမ္မတွေ ဆိုတာ အရွယ်အားလုံး
အတွက်ပါ။ ကျင့်ရင်ကျင့်သောသူကို နေ့ညမဆိုင်း အကျိုးပေးပါတယ်။ ပထမအ
ရွယ်ပညာရှာတယ် တရားနဲ့ရှာလို့ကော တရားသဖြင့်ပညာရှာလို့ကော မရဘူး
လား။ ဘုရားရှင်ကိုယ်တော်မြတ်ကြီးလက်ထက်တော်ကတည်းက ခုနစ်နှစ်သား
နဲ့ ရဟန္တာဖြစ်ကြတာတွေ အများကြီးရယ်ပါ။ ကဲဒုတိယအရွယ် စီးပွားရှာရင်ကော
တရားသဖြင့်ရှာလိုက်ပါ။ ဒါဟာ တရားကိုလေးစားသောအားဖြင့် တရားနှင့်အညီ
နေထိုင်ခြင်းပါပဲ။ တရားကို ကျင့်သုံးတာပါပဲ။ ခုတော့ တရားရှာရမယ်အရွယ် မ
ဟုတ်သေးပါဘူး တို့ ရှာနိုင်တုန်း အမြတ်ထုတ် ပါးပါလှီး တပတ်ရိုက်ပြီး ရှာထား
လိုက်အုံးမယ် ဟုတ်တာတွေကော မဟုတ်တာတွေကော ရှာကြ ဖွေကြ။ အော်
တရားရှာမည့်အရွယ်များကို ကြည့်ပါအုံး ဆံဖြူ သွားကျိုး ကံမွဲ ဥာဏ်မွဲ အချိန်
ဝီရိယ တရားတွေလည်း ငယ်တုန်းကလောက်မကောင်း၊ ကံတရားတွေကလည်း
ငယ်တုန်းကလောက်မကောင်း၊ ဥာဏ်တွေကလည်း ငယ်ငယ်ကလောက် မထက်
မြတ်တော့ပါ။ အောက် တစ်သံသရာလုံးကအမှားကို အမှန်ထင်ခဲ့သော အရာကို
ဒီဘ၀မှာများ အမြင်မှန်အောင် ကြည့်ပြီး အမှန်ပြင်နိုင်လိုက်မယ်ဆိုရင် တရားနှင့်
ပညာရှာမယ်၊ တရားသဖြင့်စီးပွားရှာမယ်၊ တရားသောနေထိုင်နည်းနဲ့များနေထိုင်
မယ်ဆိုရင် မြတ်ဗုဒ္ဓအလိုကျ ကြီးပွားချမ်းသာမည့် နေနည်းပါပဲလို့ ...........။

တစ်စ တစ်စ စွန့်ဝံ့မှလျှင် ဘ၀နောက်နောင် ဆက်တိုင်းကောင်း၏။
မောင်ပညာ ( ကေတုမတီ ) ပြည့်ပြည့်