ပေးသူ ယူသူ စိတ်ထားဖြူ

         ဗုဒ္ဓဘာသာဝင်သူတော်စင်တိုင်းဟာ ဒါနဆိုတဲ့ တရားပြုဖူးကြမှာပါ။ ဒါန ဆိုတာဟာ
လုပ်ရပ်အနေနဲ့ကတော့ မိမိပိုင်ဆိုင်တဲ့ ပစ္စည်းတစ်ခုကို တစ်ပါးသူအား ပေးကမ်း၊ စွန့်လွှတ်
လိုက်ရခြင်းပါပဲ။ အဲ စိတ်ဓာတ်အနေနဲ့ကတော့ ပစ္စည်းအပေါ်မှာ တပ်မက်တဲ့ လောဘ၊
တဏှာကို ပယ်သတ်နေတာပါ။ တစ်ဖန် အလှူခံ ပုဂ္ဂိုလ်အပေါ်မှာ ထားတဲ့ စိတ်ကလည်း
အဒေါသ မေတ္တာစိတ်ဓာတ်နဲ့ပေ့ါ။ မေတ္တာရှိလို့သာ လှူဖြစ်တာပါ။ လှူပြီးတဲ့နောက်မှာ
လှူလိုက်ခြင်းအပေါ်ဝမ်းမြောက်ဝမ်းသာနဲ့ တွေးတောနေမယ်ဆိုလျှင်လည်း ဒါဟာ ဘာဝ
နာပညာ ဖြစ်တာပါပဲ။ ဒီတော့ လှူတဲ့သူတွေက စိတ်ထားဖြူစင်ရပါမယ်။ ဘယ်ကဲ့သို့ စိတ်
ထားဖြူစင်ရမလဲဆိုတော့။ ပေးလှူခြင်းသည် သံသရာရှည်ရန်မဟုတ်၊ သံသရာဝဋ်က ပြတ်
ဖို့စိတ်ထားနဲ့ တဏှာဆိုတဲ့ အညစ်အကြေးဦးမဆောင်ဘဲ ပညာအသိတရား ဦးဆောင်လှူ
တတ်ရပါမယ်။ ဒါဟာပေးသူဘက်ကဖြူစင်ခြင်းပါ။ ပေးသူကဖြူစင်သလို ယူသူကလည်းပဲ
ဖြူစင်ရပါမယ်။
          အာမိသ ပစ္စည်းများသုံးဆောင်ခြင်းသည် ခန္ဓာကိုယ်မပျက်စီးဖို့ အရှည်တည်တံ့နိုင်
ဖို့ဆိုသော ရည်ရွယ်ချက်နဲ့သာ သုံးဆောင်သင့်တာပါ။ သို့မဟုတ်ဘဲ အာမိသအပေါ် တဏှာ
မာန ဒိဋ္ဌိ ဆိုတဲ့ တရားသုံးပါးနဲ့စွဲကပ်ပြီး သုံးဆောင်မိလျှင်တော့ ယူတဲ့သူဟာ အယူမတတ်
ဖြစ်မှာပါ။ ဖြူစင်မှုနဲ့ယူတဲ့အခါ ယူခြင်းဟာ မြတ်ပါတယ်။ မဖြူစင်တဲ့အခါမှာတော့ ယူသမျှ
ပူပါတယ်။ ဒါကြောင့် ယူတဲ့သူဟာလည်း သီလ၊ သမာဓိ၊ ပညာ ဆိုတဲ့ သိက္ခာသုံးရပ် အကျင့်
မြတ်တွေကို ကျင့်ဆောင်နိုင်ဖို့ဆိုတဲ့ ဖြူစင်မှုနဲ့သာ ယူသင့်ပါတယ်။ ယူတော့လည်းပဲ မလို
အပ်သောအရာများကို ပေးသမျှယူတာမျိုးမဟုတ်ဘဲ၊ လိုအပ်သည်ကိုသာ ယူခြင်းဖြင့် မိမိရဲ့
တဏှာ လောဘကို ပယ်သတ်ရမှာပါ။ လိုချင်ပိုင်ဆိုင်လိုတဲ့စိတ်ဟာ ပူပန်သောက ဖြစ်ရပါ
တယ်။ မရခင်မှာ ပူပန်နေရသလို ရပြီးတဲ့အခါမှာလည်းပဲ မပျက်စီးအောင် ပူပန်ရပြန်ပါတယ်။
ဒါကြောင့် ပူပန်မှုတွေက ကင်းချင်တယ် လွတ်ချင်တယ် အေးငြိမ်းချင်ပါတယ်ဆိုလျှင်တော့
ပိုင်ဆိုင်ရယူလိုစိတ်ကို ပယ်သတ်ရပါမယ်။ ဒါဟာ ပေးသူရော ယူသူပါ ကျင့်သုံးသင့်တဲ့ တရား
ပါပဲ။
            ဓမ္မကို ပေးလှူခြင်းသည်ကား မွန်မြတ်လှပါ၏။ သံသရာဝဋ်ကို ပြတ်စေနိုင်၏။ ဓမ္မကို
ပေးသူသည်လည်း ဓမ္မကို ကျင့်သုံးသူ၊ ဦးထိပ်ပန်ဆင်သူ၊ သေချာနားလည်သူ ဖြစ်ရပါမယ်။
ဒါမှသာ ယူသူဘက်မှ မှန်ကန်သော ဓမ္မကို ရရှိမှာပါ။ သို့မဟုတ်ပါက အဓမ္မကိုပေးသူ ယူသူ
ဖြစ်သွားနိုင်ပါတယ်။ ယူသူကလည်း ဓမ္မကို မြတ်နိုးတန်ဖိုးထားမှ လက်ခံနိုင်မှာပါ။ ဘယ်လောက်
ပေးချင်သည်ဖြစ်စေ လက်ခံနိုင်စွမ်းမရှိသူကို ပေးလို့မရပါဘူး။ ပေးလှူခြင်းတကာတို့တွင် ဓမ္မကို
ပေးလှူခြင်းသည်ကား မွန်မြတ်လှပါပေ၏။ ဖြူစင်ရပါပေ၏။ ဖြူစင်သော ဓမ္မကို ဖြူစင်သူတို့သာ
လက်ခံနိုင်ကြပေ၏။ ဒါကြောင့် ပေးသူ ယူသူ စိတ်ထားဖြူ လို့ပြောလိုက်ရတာပါ။

တစ်စ တစ်စ စွန့်ဝံ့မှလျှင် ဘ၀နောက် နောင် ဆက်တိုင်းကောင်း၏။
မောင်ပညာ ( ကေတုမတီ )

သဒ္ဓါတရားနှင့် ပြည့်စုံသူ

            ဗုဒ္ဓမြတ်စွာက မဂ်ဥာဏ်၊ ဖိုလ်ဥာဏ် နိဗ္ဗာန်ကို လျှင်လျှင်မြန်မြန် မျက်မှောက်ပြုချင်သူတွေဟာ
ပဓာနိယင်္ဂတရား ငါးပါးနှင့် ပြည့်စုံရမယ်လို့ ဟောကြားခဲ့ပါတယ်။ ဒီတရားတွေထဲက ပထမဆုံး အခြေခံ
တရားကတော့ သဒ္ဓါတရားနှင့် ပြည့်စုံခြင်းရယ်ပါ။ သဒ္ဓါဆိုတဲ့ ယုံကြည်ခြင်းဟာ ဗုဒ္ဓဘာသာဝင်သူတော်စင်
တို့အတွက် အခြေခံပြည့်စုံရမယ့်တရားတစ်ခုပါ။ အားလုံးမှာ သဒ္ဓါယုံကြည်ခြင်းရှိကြသော်လည်းပဲ သဒ္ဓါ
တရားနှင့် ပြည့်စုံသူကတော့ ရှားပါးပါတယ်။ သဒ္ဓ္ဓါတရားနှင့် ပြည့်စုံသူမှာ ဘယ်လို အရည်အချင်းတွေ ရှိ
ပြီလဲဆိုတာ တိုင်းတာဖို့ ဗုဒ္ဓရှင်တော်မြတ်က ပေတံ ပေးထားခဲ့ပါတယ်။
            ပထမဆုံး သဒ္ဓါပြည့်စုံပြီလားဆိုတာကို ' ဒဿနကာမော သီလ၀တော ' တဲ့ ကိုယ်ကျင့်သီလနှင့်
ပြည့်စုံသူတွေကို တွေ့ချင် မြင်ချင် ဖူးချင်လိုတဲ့ စိတ်ရှိခြင်းပါ။ ဘယ်အရပ်မှာနေတဲ့ ဘယ်သူကတော့
အကျင့်သီလနဲ့ ပြည့်စုံတယ်ဆိုလို့ရှိရင် သွားရောက် တွေ့ချင် ဖူးမြင်ချင်တဲ့ စိတ်မျိုးဖြစ်လာတယ်။ အဲ
နောက် ဒုတိယ တစ်ချက်က ' သဒ္ဓမ္မံ သောတု မိစ္ဆတိ ' ပါတဲ့။ ကိုယ့်ထက် သီလ၊ သမာဓိ၊ ပညာ မြင့်မြတ်
တဲ့ သူတော်ကောင်းများထံကနေ သူတော်ကောင်းတရား နာကြားမှတ်သားချင်တဲ့ စိတ်ဆန္ဒရှိသူပါ။ သူ
တော်ကောင်းတရား၊ စိတ်ငြိမ်းအေးကြောင်း စကားတွေ ကြားရလျှင် ၀မ်းမြောက်ဝမ်းသာ ဖြစ်နေတယ်။
ဒါဟာလည်း သဒ္ဓါတရားနှင့် ပြည့်စုံသူမှာသာ ဖြစ်တာပါ။ တတိယ တစ်ချက်ကတော့ ' ၀ိနယေ မစ္ဆေရ
မလံ ' ပါ။ မစ္ဆရိယ ဆိုတဲ့ အညစ်အကြေးကင်းသူ ဖြစ်သတဲ့။ မစ္ဆရိယ ဆိုသည်ကား ' မာ ဣဒံ အစ္ဆရိယံ
အညေသံ ဟောတု ' ပါ။ ကိုယ်ရရှိ ပိုင်ဆိုင်ကြီးပွားနေသလို သူတပါးတွေ ရရှိပိုင်ဆိုင် ကြီးပွားမှာကို
ကြောက်ခြင်းဟာ မစ္ဆရိယရဲ့ သဘောပါ။ သဒ္ဓါတရားနှင့် ပြည့်စုံသူမှာတော့ ကိုယ်ချမ်းသာလျှင် သူ
တပါးလည်း ချမ်းသာစေချင် ကြီးပွားစေချင်တဲ့ စိတ်ဆန္ဒတွေရှိနေသတဲ့။
             ဒီလို အရည်အချင်း သုံးခုနဲ့ ပြည့်စုံသူကို သဒ္ဓါတရားနှင့် ပြည့်စုံသူလို့ ခေါ်ပါတယ်။ သတ်
မှတ်ပါတယ်။ အရည်အချင်းဆိုတာ မွေးဖွားလာကတည်းက ပါလာတာမဟုတ်ပါဘူး။ မွေးက
တည်းက ပါလာတာ အရည်အသွေးတွေပါ။ ကောင်းတဲ့ အရည်အသွေးရော၊ မကောင်းတဲ့ အရည်အ
သွေးတွေပါ ပါလာတာပါ။ ကိုယ်ကကောင်းတဲ့ အရည်အသွေးတွေကို သွေးပေးပါမှ အရည်အချင်းဆို
တာ ပြည့်စုံလာမှာပါ။ ဒါကြောင့် ဒီလို သဒ္ဓါတရားနှင့် ပြည့်စုံသူတွေ ဖြစ်အောင် လေ့ကျင့်ကာနေကြ
ရပါမယ်။
မောင်ပညာ ( ကေတုမတီ )

သူတော်ကောင်း၏ အရည်အချင်း

            သူတော်ကောင်းဆိုတဲ့ ဝေါဟာရကို မြန်မာလိုရိုးရိုးလေး အဓိပ္ပါယ်ဖွင့်ကြည့်လျှင် သူတော် လာအောင် ကာင်းတဲ့အလုပ်တွေ လုပ်ပြသူ လို့ပြောလို့ရပါတယ်။ ပါဠိဝေါဟာရ အနေအားဖြင့် သပ္ပုရိသ၊ သဗ္ဘိ စသည်ဖြင့် ဖွင့်ပြထားပါတယ်။ သန္တော ပုရိသော သပ္ပုရိသော လို့ ဆိုပါ တယ်။ ကောင်းမြတ်သော အကျင့်တွေရှိသူလို့ဆိုပါတယ်။ ဘယ်လိုအကျင့် သည် ကောင်းမြတ် သလဲ ဆို တာကို ဗုဒ္ဓမြတ်စွာက အင်္ဂုတ္တရနိကယ်ထဲရှိ ထိုထိုသုတ္တန်များစွာတွင် ဟောကြားထားခဲ့ပါတယ်။

            သူတထူးရဲ့ ကျေးဇူးကို သိတတ်ခြင်းဟာ သူတော်ကောင်းတို့ရဲ့ အရည်အချင်းတစ်ခုပါပဲ။ ဒါကို ပါဠိ စာပေမှာတော့ ကတညုတ လို့ဆိုပါတယ်။ ကျေးဇူးကိုသိပြီး ကျေးဇူးတရားကို ဆပ်တတ် ရပါ မယ်တဲ့။ နောက် အရည်အချင်းတစ်ခုကတော့ ငါးပါးသီလလုံခြုံခြင်းရယ်ပါ။ ငါးပါးသီလကို ခါးဝတ် ပုဆိုးပမာ မြဲမြဲမြံမြံ စောင့်ထိန်းသူဟာဘယ်နေရာ ရောက်ရောက်  ကောင်းတဲ့အမှုတွေကိုသာ ပြုမှာပါ။ နောက်ထပ်အဆင့်မြင့်တဲ့ အရည် အချင်းတစ်ခုကတော့ မိမိငါးပါးသီလလုံသလို သူတပါးကိုလည်း လုံခြုံအောင် စောင့်ထိန်းစေခြင်း ပါပဲ။ ဒါက ပို၍အဆင့်မြင့်လာပြီပေ့ါ။ နောက်တစ်မျိုးက သဒ္ဓါတရားနှင့် ပြည့်စုံခြင်းပါ။ သဒ္ဓါ ပြည့်စုံလာလျှင် သူတော်ကောင်းစိတ်ဓာတ် ဖြစ်ပေါ်လာပါတယ်။ 

              ၀ီရိယသည်ကား သူတော်ကောင်းဓာတ် အရည်အချင်းကို တိုးမြှင့်ခြင်းပါပဲ။ လောကမှာ လူတော်လူကောင်းဆိုတာ ဒီအတိုင်းဖြစ်လာတာမဟုတ်ပါဘူး။ ကြိုးစားအားထုတ်မှု ၀ီရိယ ရှိမှသာ ဖြစ်လာမှာပါ ။ နောက်သူတော်ကောင်း စွမ်းအားတစ်ရပ်ကတော့ သတိပါ။ သတိမရှိလျှင် ကိလေ သာ ဆွဲခေါ်ရာ မကောင်းမှုများကိုလုပ်မိနေမှာပါ။ သတိရှိသောအခါမှာတော့ ကုသလဓမ္မတွေ   ဆာင်ရွက်ပြီး ကောင်းတဲ့ ဓာတ်တွေ တိုးပွားလာမှာပါ။ နောက်တစ်ခုကတော့ တည်ကြည်ခြင်း သမာဓိပါ။ သမာဓိရှိလာလျှင် စိတ်ဟာ မပျံ့လွင့်တော့ဘူး။ တည်ငြိမ်လာပါတယ်။ ဒါဟာလည်း မကောင်းမှုမှာ စိတ်ကိုမမွေ့လျော်အောင် ထိန်းတဲ့ သူတော်ကောင်းရဲ့ စွမ်းအားတစ်ရပ်ပါပဲ။ နောက်အရည်အချင်းက 

တော့ ပညာပါ။ ပညာဥာဏ်ရှိသူဟာ ကောင်း၏ ဆိုး၏ ခွဲခြားသိသွားပါပြီ။ ဒီထက်အဆင့်မြင့်တဲ့ ပညာက

တော့ ရုပ်တရား၊ နာမ်တရားတို့ အပေါ်မှာ မှန်ကန်တဲ့ အမြင်ရှိခြင်းပါ။ ဒီလိုတရားတွေနဲ့ ပြည့်စုံလာသူကို

သပ္ပုရိသ၊ သန္တိ၊ သဗ္ဘိ လို့ ခေါ်တာပါ။ ဒါကြောင့် ဒီအရည်အချင်းတွေနဲ့ ပြည့်စုံအောင်ကြိုးစားရင်း သူတော်

ကောင်းတို့ လမ်းလျှောက်လမ်းကြရမှာပါ။

မောင်ပညာ ( ကေတုမတီ )