Sunday, January 4, 2009
အစွန့်ကောင်း
"တစ်စ တစ်စ စွန့်ဝံ့မှလျှင် ဘ၀နောက်နောင်ဆက်တိုင်းကောင်း၏..............."
ဒီစာသားလေးက ကိုယ်တိုင်ရေးထားတဲ့ ကိုယ်ပိုင်စာသားလေး မဟုတ်ပါဘူး။ မူရင်း စာသားပိုင်ရှင်ဘယ်
သူလဲဆိုတာလည်း မသိပါဘူး.......။စာသားလေးကို တစ်နေရာရာက တွေ့လို့ ကြိုက်နှစ်သက်တာနဲ့ အရကျက်ထားပြီး ခဏခဏ ဆိုမိနေတဲ့ စာသားလေးပါ...။ နှစ်အတော်ကြာပြီဆိုတော့ ဘယ်နေရာက ရထားမိတယ်ဆိုတာလည်း မမှတ်မိတော့ပါဘူး။ ပိုင်ရှင်ကို သိတယ်ဆိုရင်လည်း လက်တို့လိုက်ပါဦး။
တစ်စ တစ်စ ဆိုတာက အပိုင်းအစလေး တစ်ခု တစ်ခု၊ အသေးအဖွဲလေး တစ်ခု တစ်ခုလို့ ဆိုလိုတာပါ။
အကြီးအကျယ်ဆိုတာဟာ အသေးဖွဲတွေကို မစုမပေါင်းရင် အကြီးအကျယ်ဆိုတာ ရှိလာမှာ မဟုတ်ဘူး။ ကောင်းတာပဲ ဖြစ်ဖြစ် ညံ့တာပဲဖြစ်ဖြစ် အသေးအဖွဲတွေကို စုမိလို့ကတော့ ထုထည် ဖြစ်ကြရတာပဲ။ အကောင်းလေးတွေကို စုဆောင်းမိရင် အကောင်းကြီးဖြစ်လာတယ်။ အညံ့လေးတွေကို စုဆောင်းမိရင် အညံ့ကြီး ဖြစ်လာမယ်။
အကောင်း ကြီးကြီးမားမားဖြစ်ချင် လိုချင်ရင် အကောင်းသေးသေးလေးတွေကို မပစ်ပယ်ရဘူး။ မလေးမစားမလုပ်ရဘူး။ ဥပေက္ခာ မပြုရဘူး။ အကောင်းသေးသေးလေးတွေကို ဖြစ်နိုင်သမျှ ရှာရမယ်။ ရနိုင်သမျှ စုရမယ်။ ဒါမှ အကောင်းကြီးကြီးမားမားဖြစ်လာရလာမှာပေါ့။ အညံ့ကြီး အဆိုးကြီးတွေကို မရချင် မလိုချင်လည်း အညံ့အဆိုး သေးသေးလေးတွေကို ဖယ်ထုတ်ရမယ်။ တားဆီးရမယ်။ အညံ့အဆိုးသေးသေးလေးတွေကို ဖယ်ထုတ် တားဆီးနိုင်ပြီဆိုရင် အညံ့ကြီး အဆိုးကြီးတွေဖြစ်မ လာရမလာတော့ဘူးပေါ့။
ကြွက်သေတစ်ခု အရင်းပြု
ပျားတစ်စက်ကြောင့် ပြည်ပျက်သည်
စတဲ့ အဖြစ်အပျက် အခြေခံ စကားပုံတွေဟာ အသေးအဖွဲများကြောင့် ကြီးမားတဲ့ ကောင်းကျိုး ဆိုးကျိုးတွေ ကို ဖော်ညွှန်း မီးမောင်းထိုးပြနေတဲ့ စကားပုံတွေပဲ၊
နီတိစကားတစ်ခု ရှိသေးတယ်။
ကဏသော ခဏသော စေ၀
ဝိဇ္ဇာ မတ္ထဉ္စ သာဓယေ။
ကဏစာဂေ ကုတော ဓနံ၊
ခဏစာဂေ ကုတော ၀ိဇ္ဇာ ။ တဲ့
မြန်မာလိုဆိုရင်တော့
ဆန်တစ်စေ့ ဆန်ကွဲတစ်စေ့ဟာ ဥစ္စာပြည့်စုံခြင်းအကျိုးကို ပြီးစေနိုင်တယ်။
တစ်မိနစ် အချိန်လေးဟာ အတတ်ပညာပြည့်စုံမှုကို ပြီးစေနိုင်တယ်။
ဆန်တစ်စေ့ ဆန်ကွဲတစ်စေ့ကို လွှင့်ပစ်လိုက်ရင် ဘယ်လိုလုပ် ဥစ္စာပြည့်စုံမှာလဲ။
တစ်မိနစ်အချိန်ကို အလဟဿ ဖြုန်းပစ်လိုက်ရင် ဘယ်လိုလုပ် ပညာတတ်မှာလဲ။
ချမ်းသာတဲ့ လူတွေ ဘယ်လိုစုခဲ့ ဆောင်းခဲ့ရသလဲ ၊အင်တာဗျူးလုပ်ကြည့်၊ ခေတ်ကာလရဲ့ အနိမ့်ဆုံးငွေ ကြေးက စပြီး တစ်စ တစ်စ စုခဲ့ ဆောင်းခဲ့ကြရတာဘဲ၊ ပဲ ပိုင်ခေတ်ကဆိုရင် ပဲ ပိုင်ကစပြီး စုခဲ့ကြရတာပဲ၊ ပြား မူး ခေတ်ကျတော့လည်း ပြားမူး ကစပြီး စုခဲ့ကြရတာပဲ၊ ကျပ်ခေတ်ရောက်ပြန်တော့လည်း ကျပ်က စပြီး စုခဲ့ကြရတာ မဟုတ်လား။ အနိမ့်ဆုံး ငွေကြေးလေးပဲဆိုပြီး မစုမဆောင်းဘဲ နေခဲ့ရင် ဘယ်လိုလုပ် ချမ်းသာမှာလဲ၊ ချမ်းသာသူ အများစုလောက်သာ အဲဒီနည်းနဲ့ စုခဲ့ကြရတာချည်းပဲ ၊ အနည်းစုလောက်သာ မစု မဆောင်းရဘဲ မိဘ ဘိုးဘွား တွေရဲ့ အမွေအနှစ်ဆိုပြီး ချမ်းသာကြတာ။ ဒါကလည်း ပြောမယ်ဆိုရင် ကံစုထားကြလို့ပဲ။ အနိမ့်ဆုံးငွေကြေးကနေစပြီး စုဆောင်းလာတဲ့ အခါ တစ်ချို့ကျတော့ နှစ်ပေါင်းများစွာ စုဆောင်းကြရတယ်။ တစ်ချို့ကျတော့ နှစ်အနည်းငယ်ပဲ စုဆောင်းကြရတယ်။ တစ်ချို့ကျတော့ လပိုင်းလောက် စုဆောင်းလိုက်ရုံနဲ့ပဲ လူချမ်းသာ စာရင်းထဲ ၀င်သွားကြတယ်။ အဲဒီလို စုဆောင်းတဲ့ အချိန်ကာလ ကွာခြားမှုတော့ ရှိချင်ရှိမယ်။ စုဆောင်းရတာချင်းကတော့ အတူတူပါပဲ။
အတတ်ပညာလည်း တစ်စ တစ်စ သင်ယူရတာပါပဲ။ ဘွဲ့ရလူတစ်ယောက်ဖြစ်ဖို့ နည်းဆုံးဆယ့်ငါးနှစ်ကြာမယ်။ ငါးနှစ်အရွယ် ကျောင်းစတက်၊ အသက်နှစ်ဆယ်မှာ ဘွဲ့ရ၊ ဒါဟာ အများစု အနေထားကို ပြောတာ။ တစ်ချို့ သုံးနှစ်အရွယ်ထဲက မူကြိုထားပြီး သင်ပေးနေပြီ၊ ထားပါတော့၊ ဆယ်ငါနှစ် သင်ယူပြီး ဘွဲ့ရတဲ့ လူတစ်ယောက်ဖြစ်လာတဲ့ အခါ ပြန်တွက်ကြည့်၊ ကကြီး ခကွေး ကစပြီးသင် ၊ အေဘီ စီကစပြီးသင် ၊ တစ်နှစ် သုံးကစပြီးသင် ၊ဒီလို သင်ကြရတာ ၊ကကြီး ခကွေး ကစပြီး မသင်ခဲ့ရင်၊ အေဘီ စီက စပြီး မသင်ခဲ့ရင်၊ တစ် နှစ် သုံးကစပြီး မသင်ခဲ့ရင် ဘယ်လိုလုပ်ဘွဲ့ရမှာလဲ။ သင်ယူခဲ့တဲ့ ဆယ့်ငါးနှစ်ကို ပြန်တွက်ကြည့်လ နဲ့ဆိုရင် လပေါင်း တစ်ရာ့နှစ်ဆယ်၊ ရက်နဲ့ ဆိုရင် ရက်ပေါင်း ငါးထောင်လေးရာ ခုနစ်ဆယ့်ငါးရက် ၊ အဲဒီလို တစ်စ တစ်စ သင်ယူလာလို့ဘွဲ့ရတာ။
No comments:
Post a Comment