Wednesday, April 27, 2011

သံယောဇဉ်မျက်နှာထောက်ပြီးတော့

သံယောဇဉ် သံယောဇဉ်နဲ့ လူသားတို့ အသိုင်းအ၀ိုင်းကြားမှာ အသုံးများတဲ့
ပါဠိစကားလုံးတစ်ခုပါ။ တစ်နေ့က လ္ဘက်ရည်ဆိုင်က ဖွင့်နေတာလေး ကြားမိတယ်။
သံယောဇဉ် သံယောဇဉ် လူကို အရူးတစ်ပိုင်းဖြစ်စေတယ် .....တဲ့။ လူသားများကို
သံသရာစက်ဝန်းကြီးထဲက ထွက်မသွားနိုင်အောင် ဆွဲထားတဲ့ကြိုးတွေရှိပါတယ်။
ထိုကြိုးတွေသည် သံယောဇဉ်ကြိုးများပါင်။ သံယောဇဉ်ဘယ်လောက်များအား
ကြီးလိုက်သလဲဆိုရင် အရိယာထဲမှာ တတိယမြောက် အဆင့်ဖြစ်တဲ့ အနာဂါမ်
အထိရှိနေပါတယ်။ ထိုသို့ အနာဂါမ်အရိယာထိ ရစ်ပတ်နိုင်သော သံယောဇဉ်
သည်ကား ပုထုဇဉ်များကို အရူးတစ်ပိုင်းမက အရူးလုံးလုံးကို ဖြစ်စေနိုင်ပါတယ်။
သံယောဇဉ် ကြိုး ၁၀ ချောင်းရှိပါတယ်။ တစ်ချို့က ပြောကြတယ်။
သံယောဇဉ် ဖြတ်ကြရအောင်ဆိုပြီး အဆက်အသွယ်မလုပ်နေမယ်တဲ့။ အော်
အဆက်အသွယ်မလုပ်ဘဲ နေရုံနဲ့ သံယောဇဉ်ပြတ်ပလားဆိုတော့ အဆက်
အသွယ်ပြတ်တာပဲရှိမယ်။ သံယောဇဉ်တော့ မပြတ်ပါ။ မြင်ချင်တဲ့ စိတ်ကလေး
ကရှိနေ၊ ကြားချင်တဲ့ စိတ်ကလေးက ရှိနေသေးတယ်ကိုး။ သံယောဇဉ်ဘာ
ကြောင့်ဖြစ်သလဲ လို့မေးကြည့်တော့ မြင်ရလို့ သံယောဇဉ်ဖြစ်တာလား ?
မြင်ချင်လို့ သံယောဇဉ်ဖြစ်တာလား ? မြင်ရလို့သံယောဇဉ်ဖြစ်သည်
ဆိုလျှင်ကား တစ်နေ့ တစ်နေ့ မြင်နေရတာ အများကြီးရယ်ပါ။ မြင်ချင်လို့
သံယောဇဉ်ဖြစ်ရတာပါ။
အာရုံ ငါးပါးသည်ကား ကိုယ်နှင့်ကြုံသည်ဖြစ်စေ၊ မကြုံသည်
ဖြစ်စေသူ့အလိုလိုရှိနေမှာပါ။ ထိုအာရုံပေါ်တွင် ကပ်ငြိ၊ တွယ်တာခြင်းသာ
မိမိ၏ သံယောဇဉ်ဖြစ်၏။ ထိုကပ်ငြိတွယ်တာတတ်သော သဘောကိုသာ
ဖြတ်ရမှာပါ။ အာရုံကို ဖြတ်ရန်မလိုပါ။ တစ်သံသရာလုံး ချည်နှောင်လာတဲ့
သံယောဇဉ်ကြိုးများကို ဓားတုံးတုံးနဲ့တော့ ဖြတ်ရန်မလွယ်။ အာရုံအပေါ်
ကြိုက်နှစ်သက်ခြင်းသည်သာ သံယောဇဉ်လားဆိုတော့ သူ့ရုပ်ကို မမြင်ချင်
သူ့အသံကို မကြားချင်တာသည်လည်း သံယောဇဉ်ပါပဲ။ ဘယ်သူ့အပေါ်မှ
သံယောဇဉ်မရှိပါဘူး ချစ်လည်းမချစ်၊ မုန်းလည်းမမုန်း ကိုယ့်လုပ်စာ ကိုယ်စား
ဘယ်သူ့မှ ဂရုမစိုက်တာလည်း မာန သံယောဇဉ်ကြောင့်ပါပဲ။ အော်သံယော
ဇဉ် သံယောဇဉ် လူကို အရူးတပိုင်းဖြစ်စေတာ မဟုတ်ပါဘူး။ အရူးကြီးလုံးလုံး
ဖြစ်စေတာပါလို့သာ ပြောလိုက်ချင်တော့တယ် ကွယ်တို့ရယ်..............။။
မောင်ပညာ ( ကေတုမတီ ) ပြည့်ပြည့်

Read more...

တန်သွားပြီ

တစ်ခုခုလေး ၀ယ်လိုက်တာ သူများက တန်လိုက်တာ ဟယ်လို့ ပြောရင်
စိတ်ထဲငါဝယ်မိတာတန်သွားပြီ ဆိုပြီး ဖြစ်တတ်ကြပါတယ်။ တစ်ချို့ဆို နှုက်က
ထုတ်ပြောတဲ့အထိ တန်သွားပြီ တန်သွားပြီ ဆိုပြီး ဖြစ်တတ်ကြပါတယ်။ ဒါက
ပစ္စည်းဝယ်တာနဲ့ စပ်သွားလို့ဒီလိုပြောတာပါ။ တစ်ခါတလေ အလုပ်လုပ်ရင်း
ခရီးသွားရင်း တန်သွားတာမျိုးလည်း ရှိတတ်ပါတယ်။ ဒါလေးလုပ်မိတာ
တန်သွားပြီ ၊ ဒီ ခရီးသွားရတာ တန်လိုက်တာဆိုတာမျိုးရယ်ပါ။ ကိုယ်က
တစ်ခါတလေ လှလှပပလေးဝတ်ပြီး အပြင်ထွက်ရင် လူတွေဝိုင်းကြည့်
တာမျိုး တွေ့ရင် စိတ်ထဲမှာ ၀တ်ရတာ တန်သွားပြိ ဆိုတာမျိုးလည်း
ဖြစ်ကြမယ်ထင်ပါတယ်။ တစ်ချို့ကျတော့ အဲ့လိုမဟုတ် မိမိမြင်စေချင်တဲ့
သူမြင်မှသာ ဒီတစ်ခါ ၀တ်ရတာ တန်သွားပြီလို့ဖြစ်တာ၊ သူမမြင်လိုက်ဖူး
ဆိုရင် သူကသာ ကိုယ်လှအောင်ဝတ်ထားတာ အသိအမှတ်မပြုရင် မတန်
ပါဘူးကွာ လို့ ဖြစ်တတ်ကြပါတယ်။
တစ်ခါတလေကျရင် တန်အောင်လုပ်ရတဲ့အလုပ်ကလေးတွေ ရှိ
ပါတယ်။ ကိုယ်ကသူ့ကိုကောင်းစေချင်လို့ ဟန်ဆောင်ရတာမျိုးလေးတွေပါ။
စိတ်မဆိုးပဲ ဆိုးဟန်ဆောင် ၊ စိတ်မကောက်ပဲ ကောက်ဟန်ဆောင် ရတာ
မျိုးပါ။ ဟုတ်ပါတယ်။ လိမ်ညာတယ်လို့ဆိုရင်လည်း မှားတယ်မဆိုနိုင်သလို
မှန်တယ်လည်း မပြောနိုင်ပါ။ အဘယ်ကြောင့်နည်း ? လိမ်သည်ဆိုသည်ကား
သူတပါးအကျိုးဆုတ်ယုတ်ပျက်စီး စေမှုသာ၊ ခုဟာက သူ့ကို ကောင်းစေချင်
လို့ရယ်ပါ။ ကိုယ်စိတ်ဆိုးပြမှ ကိုယ်ကဒေါသထွက်ပြမှ သူကောင်းလာမယ်ဆို
တာသိလို့ ဒေါသထွက် စိတ်ဆိုးရတာပါ။ တခါတလေ ဒေါသထွက် ဆူ ပူ ပြီးမှ
ဟိုဘက်လှည့် ပြုံးမိတာမျိုးလည်း ရှိတတ်ပါတယ်။
ကိုယ်စိတ်ဆိုး အော်ဟစ်ငေါက်မှာ ကြောက်လို့ ကောင်းအောင်နေ
ကောင်းအောင်ပြော၊ ကောင်းအောင်လုပ် နေတဲ့ တပည့်တွေ မြင်တော့ အော်
ငါစိတ်ဆိုးရတာ တန်လိုက်တာ တန်သွားပြီလို့ ဖြစ်မိသေး။ ကောင်းစေချင်လို့
ပြောတဲ့စကားတွေ အထဲမှာ ဘုန်းတော်ကြီးမြတ်စွာဘုရားသုံးတဲ့ "မောဃပုရိသ'
ဆိုတာလေး အကြိုက်ဆုံးပါပဲ။ မဂ်ဖိုလ်မနီး အချည်းနှီးသော ယောက်ျား လို့
ပြောတာပါ။ ဒီစကားလေးနဲ့ ဆူပြောပြောလိုက်ရင် အော် ငါဟာ မဂ်၊ ဖိုလ် နဲ့
မနီး ဝေးနေပါသေးကလားလို့ သတိဝင်ပြီး တရားလုပ်ရင်း တရားရသွားသူတွေ
မြင်တော့ အော် ဒီကြမ်းတမ်းတဲ့ စကားလေးကို ဘုန်းတော်ကြီး မြတ်စွာက
တန်သွားအောင် သုံးနှုန်းသွားပါလားလို့တွေးမိရင်းလေ................။
မောင်ပညာ ( ကေတုမတီ )

Read more...

Tuesday, April 26, 2011

လုပ်သလိုဖြစ်မလာတဲ့အခါ

တစ်နေ့က အိမ်တစ်အိမ်က ရောက်တုန်းရောက်ခိုက် တပည့်တော်
တို့အား ပရိတ်တရားနာ နဲ့ ကလေးတွေကို ဆုံးမ စကားလေးချီးမြှင့်ပါဆိုလို့
ကြွရောက် ရွတ်ဖတ်ပေးခဲ့တယ်။ ဒါနဲ့ အိမ်မှာ ဘာလေး ပြောပြဖြစ်သလဲဆို
တော့ ကိုယ့်စိတ်ထဲ ခုတစ်လော ဖြစ်နေတဲ့အကြောင်းအရာလေးတစ်ခုကိုပဲ
ပြောဖြစ်ခဲ့ပါတယ်။ မိဘက သားသမီးကို ဆုံးမတဲ့အခါကိုယ့်စကားနားမ
ထောင်ရင် ကိုယ်ဆုံးမသလို လက်မခံတဲ့အခါ စိတ်ဆင်းရဲရတယ်။
ဒီလိုပါပဲ တရားဟောတယ် တရားစကားပြောပြပေးတယ် အေးချမ်းစေ
ချင်လို့ အပူတောမှာ နေနေတဲ့လူတွေ အပူ့လောင်နေရတာကနေ
အေးချမ်းစေချင်လို့ တရားပေးတယ်။ သို့သော် တရားမကျင့်ဘူး အေးချမ်း
အောင်မနေဘူးဆိုရင် ငယ်ငယ်က မေမေဆူတဲ့အခါ ပြောနေကျစကား
လေးကို သွားသတိရမိတယ် ငါ နင့်ကို အာပေါက်မတတ်ပြောတာ တောင်
နင် နားကြားမညှပ်ဘူးလား ဆိုတာလေးပါ။ အော် လုပ်သလိုဖြစ်မလာတဲ့
အခါ ဖြစ်သလိုလုပ်မယ်ဆိုတဲ့ စိတ်ဓာတ်ကြီးသာ ကလေးငယ်တွေ စိတ်ထဲ
ရောက်သွားရင် အော် စိတ်ပူမိပါသည်။ မိဘများက သားသမီးတွေကို ဖြစ်
စေချင်သလိုဖြစ်မလာမှာ စိုးတယ်။ ကိုယ်ချင်းစာမိပါသည်။ ကိုယ်ကတရား
ကျင့်သုံးစေချင်လို့ ဟောပေးပြောပေးသော်လည်း တရားမရှိ ပြောဆိုနေ
ကြတာတွေ ကြုံလာတာနှင့်အမျှ တရားပြောပေးချင်စိတ်သည် လျော့နည်း
လာခဲ့တာရယ်ပါ။ ဒါနဲ့ပဲ လက်တွေက ကီးဘုတ်ပေါ်ပြေးလွှားခဲ့တာလည်း
အခါပေါင်းမနည်းတော့ပါဘူး။ လူတွေက မေးကြတယ် ဘာဖြစ်ချင်တာလဲတဲ့
ဒါဖြစ်ချင်တယ် ဟိုဟာဖြစ်ချင်တယ်ဆိုရင် အဲ့လို ဖြစ်မလာတဲ့အခါ စိတ်ပူပန်
ရတယ်။ အားလုံးထင်နေကြတာက ကိုယ်ဖြစ်ချင်တာဖြစ်လို့ ၀မ်းသာရရင်
မပင်ပန်းဘူး။ ဖြစ်ချင်တာမဖြစ်လို့ ၀မ်းနည်းရတာ ပိုပင်ပန်းတယ် ဒါမျိုးလေ။
ကိုယ်ဖြစ်ချင်တာဖြစ်လို့ ပင်ပန်းရတာတွေ တစ်ပုံကြီးရယ်ပါ။ ဒါလေးတွေ
နားလည်စေချင်တယ်။ ဒါလေးတွေသိစေချင်တယ်။ အော် ခုလည်းကြည့်
ကိုယ့်ပြောသလို နားထောင်ရင် စိတ်ချမ်းသာတယ် ကိုယ်ပြောသလို နား
မထောင်တဲ့အခါ စိတ်ပင်ပန်းတယ်။ လောကကြီးကိုက ကိုယ်ဖြစ်ချင်သလို
မဖြစ်ပါလားလို့ သိအောင်သာ နားလည်အောင်သာ ကြိုးစားရမှာပါ။
ခုတော့ ဖြစ်ချင်တာကိုသာရှေ့တန်းတင်လို့ ဖြစ်သင့်တာတွေ ဆုံးရှုံးခဲ့
ရပြီးပြီ။ ခုတော့ ကိုယ်ဖြစ်ချင်တာထက် သူဖြစ်သင့်တာ ဖြစ်တာကို လက်ခံ
နိုင်ဖို့ကြိုးစားကြရမှာပါ။
အော် ခုလိုဆိုတော့လည်း စိတ်မပင်ပန်းရတော့ဘူးနော်။ လောက
ကြီးက သူဖြစ်ချင်သလိုဖြစ်နေပါလား ဖြစ်သင့်သလို ဖြစ်ချင်လိုက်တဲ့အခါ
စိတ်မပူရတော့ဘူး။ စိတ်မပင်ပန်းရတော့ဘူး။ စိတ် ထဲ လုပ်သလိုမဖြစ်တဲ့
အခါ .....ဆိုတာလေးကို ကီးဘုတ်ပေါ်က လက်များမှ တစ်ဆင့် အင်တာနက်
ပေါ်သို့................။
မောင်ပညာ ( ကေတုမတီ )

Read more...

Sunday, April 17, 2011

စစ်ကိုင်းတောင်ရိုး မဟာဝိဇ္ဇောဒယ ဆရာတော်ကြီး၏ ဆုံးမစာ

ကံရှိကံမွဲ ဆင်းရဲကုံတံ ဆက်ဆံပေါင်းသင်း လူခပင်းကို
ကိုယ်ချင်းစာနာ ကရုဏာနှင့် မေတ္တာပြန့်ပွား သကာပြားသို့
စကားနှုတ်ချို ရန်မလိုပဲ ကိုယ့်ကိုနှိမ်ထား သူမြှောက်စား၍
ထောင်လွှားကင်းဘိ အဆံပြည့်သည့် ကောက်၏ခိုင်ညှာ
ညွှတ်ကိုင်းလာသို့ ပညာဓန ယသဘုန်းဂုဏ် အဖုံဖုံတို့
ပြည့်စုံလေလေ ညွတ်လေလေနှင့် စိတ်နေပျော့ပျောင်း ယှဉ်မှကောင်း၏။

အပေါင်းအစည်း မေတ္တာနည်း၍ လူလည်းမချစ် နတ်မချစ်နှင့်
အပြစ်များကာ အရာရာဝယ် ငါသာငါနှင့် နှိုင်းယှဉ်သင့်ဟု
မိုးမြင့်ဘုံဖျား မှန်ကင်းလားသို့ တက်ကြွားမြင့်မောက် ခြေဖျားထောက်လျက်
ဘုဘောက်ပြောကာ ကျယ်စွာစွာနှင့် ယုတ်မာညစ်ဆိုး နွားကျစ်သိုးသို့
ကိုးယိုးကားယား လူမုန်းများအောင် စကားဖောင်ဖောင် ချိုမထောင်နှင့်
အမောင်အမိ ရိုးမြေထိအောင် သတိတရား အမြဲထားလော့ ရိုးသားဖြောင့်စင်း
လိမ္မာခြင်းနှင့် မိုက်ခြင်းတဖြာ သာယာချိုအေး ယဉ်ကျေးကြမ်းကြုတ်
အယုတ်အမြတ် နူးဆက်ပျော့မာ စိတ်ကြောင့်သာလျှင် သေချာဝေခွဲ
အရိုးစွဲအောင် အမြဲမှန်စွာ ဥာဏ်ပညာနှင့် မေတ္တာစိတ်ထား အချစ်ပွား၍
တရားမကွာ အရာရာ၌ လိမ္မာယဉ်ကျေး စိတ်ကောင်းမွေးလျက် လူရေးလူရာ
သူ့ထက်သာအောင် ပညာရှိနည်း ရွေ့ရွေ့ဆည်းလော့ ရှင်လည်းကားယား
သေကားယားနှင့် ထင်ရှားလူ့ဘောင် ပင့်ကူကောင်လို
အမောင်မဖြစ်စေနှင့်နော အမိမဖြစ်စေနှင့်နော။


Read more...

Wednesday, April 13, 2011

By Name

စာတစ်စောင်ပို့မယ်ဆိုရင် ပို့ချင်သူ၏နာမည်ကို (By Name ) သေသေချာချာတပ်
ပြီးမှသာ ရောက်နိုင်ပါတယ်။ နာမည်လွဲလို့ ကိုယ့်ဆီပြန်လာတဲ့ စာတွေကြုံဖူးပါတယ်။ ရုံးစာပို့တယ်
ဆိုရင်လည်းပဲ ထိုနည်းအတူပါပဲ။ လူကြီးနာမည်ကို By Name တပ်ပြီးပို့မှသာလျှင် ပို့သူဆီရောက်
မှာပါ။ တစ်ခုခု ပို့တဲ့နေရာမှာ By Name က အရေးကြီးဆုံးပါပဲ။
မြတ်စွာဘုရားရှင်ဟာ သတ္တ၀ါတွေအပေါ် မဟာမေတ္တာတော်ကို ဖြန့်ကျက်ထား
ရှိတော်မူပါတယ်။ သို့သော် အခြေအနေအားလျော်စွာ တစ်ဦးတစ်ယောက်ပေါ် By Name နဲ့ပို့ဖို့
လိုလာပြီဆိုရင်တော့ ထိုသတ္တ၀ါများအပေါ်ထားသော မဟာမေတ္တာတော်ကို ခေတ္တရုတ်သိမ်းကာ
By name နှင့်သာပို့ပါတယ်။ ထိုသို့ ဘုန်းတော်ကြီးမြတ်စွာဘုရား၏ မေတ္တာတော်ကို By name နှင့်
အပို့ခံရသော သူတွင်လည်းပဲ စိတ်ထားနူးညံပျော့ပျောင်းခြင်းအကျိုးရှိလာပါတယ်။ ထိုအရာသည်ကား
ကိလေသာကင်းစင်သည့် မေတ္တာ၏ စွမ်းပကားပင်တည်း။ တစ်ခါတစ်လေတော့ မေတ္တာမှာ ကိလေသာ
ဝင်လျှင်သော်လည်းကောင်း မေတ္တာယောင်ဆောင် ကိလေသာကြောင့်သော်လည်းကောင်း မေတ္တာ၏
ရနံ့သည် မှေးမှိန်သွားတတ်ပါတယ်။ By Name နှင့်ရည်စူးပို့သသော မေတ္တာကု ' သြဒိဿမေတ္တာ'ဟု
ခေါ်ပါသည်။ အားလုံးအပေါ်ထားသောမေတ္တာကိုကား 'အနောဒိဿမေတ္တာ'ဟုခေါ်၏။
ကျွန်ုပ်တို့ကဲ့သို့ ပုထုဇဉ်တို့၏ မေတ္တာသည်ကား ကိလေသာကင်းသူတို့၏ မေတ္တာပမာ
မျိုး မစွမ်းငြားသော်လည်း မေတ္တာပို့နေချိန်တွင် ကိလေသာကင်းနေရကား ထိုက်သင့်သလောက်တော့
စွမ်းပေလိမ့်မည်။ အားလုံးသောသတ္တ၀ါများအပေါ်မေတ္တာထားသလို By Name နှင့်လည်းပို့ဖူးပါသည်။
ထိုသို့ပို့သောအခါတွင် ပို့သောသူတွင် စိတ်ကြည်ရင်ကြည်သလောက် အပို့ခံရသောသူတွင် အေးချမ်း
ပါတယ်။ အဆင်ပြေမှုတွေရလာပါတယ်။ သို့သော် ကိုယ်ကတော့ ပို့ပါတယ် သူ့ဘက်က တံခါးပိတ်
သော့ခတ်ထားပြန်လျှင် အဆင်မပြေ။ မိမိပို့သည်ကို လက်ခံနိုင်စွမ်းလည်း ရှိရပါမယ်။
ယမန်နေ့ညက စင်္ကာပူရောက်မြန်မာမိန်းကလေးတစ်ယောက် အလုပ်အကိုင် အဆင်မ
ပြေတဲ့ အကြောင်း အသိတစ်ယောက်ကတဆင့် သိလိုက်ရတော့ အော် မေတ္တာပို့မိတယ်။ တကယ်တော့
သူတို့ကလည်း မေတ္တာကို ခံယူလိုပါတယ်။ မေတ္တာကိုတန်ဖိုးထားပါတယ်။ ပို့သသောသူကလည်း
စိတ်ကြည်လင်လင်ပို့ပါလျက် အဆင်မပြေတဲ့ အခါများတွင် ပို့သောသူပဲလိုအပ်သည်လား
လို့ စဉ်းစားစရာတွေဖြစ်လာပါတယ်။ အော် ဒီနေရာမှာ တစ်ခု စဉ်းစားမိတယ်။ အန္တရာယ်ကင်းဆိုပြိး
တစ်ချို့က ပရိတ်ရွတ်ဖတ်ကြတယ်။ ထို့သို့ အန္တရာယ်ကင်း ပရိတ်ရွတ်ပြီးကာမှ အန္တရာယ်ကြုံသော
အခါ ရွတ်သောသူသော်လည်းကောင်း ၊ ပရိတ်သော်လည်းကောင်း အစွမ်းမထက်ဟုထင်စရာရှိပါ
တယ်။ အမှန်တော့ ကိုယ်နားလည်လိုက်တာက အော် တို့ အကုသိုလ်ကံ ကိုက ကြီးလွန်းလွန်း
အန္တရာယ်ကြုံရပါလားလို့။ ဒီလိုနားလည်သူ ကတော့ ရှားပါလိမ့်မယ်။
လောကရဲ့ ပြဿနာအားလုံးသည် နားလည်မှုလွဲမှား ခြင်းကြောင့်ဖြစ်ပါတယ်။
တစ်ချို့က ကိုယ်ချင်းစားတရားထားရမယ်တဲ့။ ကိုယ်က အရက်သောက်ချင်သလို သူလည်း အရက်
သောက်ချင်မှာပဲ လို့ ကိုယ်ချင်းစာတရားမျိုးတော့ စဉ်းစားသာကြည့်ကြပါတော့။ အော် နား
လည်ရမှာပါ အမှန်တရားကို အမှန်တရားကို နားလည်သောသူသည် အမှန်တရားကို မြတ်နိုး
တတ်လာမှာပါ။ မေတ္တာရဲ့မှန်ကန်မှု ကိုလည်း အပို့ခံရသောသူတွေ နားလည်မှသာ အစွမ်း
ထက်နိုင်ပါလိမ့်မယ်။ မေတ္တာဆိုတာ အေးချမ်းမှုပါပဲ။
မည်သို့ပင်ဆိုစေကာမှု သူ့ဘက်ကနားလည်သည်ပဲ ဖြစ်စေ၊ ဖွင့်ထားသည်ပဲဖြစ်စေ
ပိတ်ထားသည်ပဲဖြစ်စေ ပို့သသောသူတွင်ကား အေးချမ်းပါတယ်။ မေတ္တာပို့ခိုက် ကိလေသာကင်း
နေသည်။ ဒေါသမဖြစ်၊ အဒေါသဖြစ်နေသည်။ တစ်ခုရှိသည်မှာ သူ့ဘက်က မသိလို့ တံခါးပိတ်
လက်မခံလို့ မေတ္တာအလကားဖြစ်တယ်ဆိုပြီး စိတ်မပျက်ဖို့ပါ။ သူ့ဆီရောက်ရောက်၊ မရောက်
ရောက် By Name နှင့်ပို့သောအခါ 'သြဒိဿမေတ္တာ' ဖြစ်ပါတယ်။ ထို့ကြောင့် ပို့လိုက်ချင်ပါ
သည် သတ္တ၀ါခပ်သိမ်း တရားကိန်း အေးငြိမ်းချမ်းသာရှိပါစေ...............................။
မောင်ပညာ ( ကေတုမတီ ) ပြည့်ပြည့်

Read more...

Tuesday, April 12, 2011

နူးညံစွာနေထိုင်သူ

အမိကျောင်းတော်ကြီးတွင် ဝေယျာဝေစ္စအဖြစ် အုတ်ခဲသယ်ရင်း လက်ဖ၀ါးမှာ
အရည်ကြည်ဖုလေးတွေဖြစ်လာတာ ကြည့်ပြီး နောင်တော်တစ်ပါးက ဆေးလူးပေးရင်း
စကားပြောဖြစ်ကြတယ်။ ညီ့လက်ကကလေးတွေက နူးညံလိုက်တာ အိမ်မှာဘာမှ မလုပ်
ခဲ့ရဖူးဘူနဲ့တူတယ် တဲ့။ ဟုတ်ပါတယ်။ စာရေးသူရဲ့ လက်ကလေးတွေ နူးညံတဲ့အကြောင်း
လက်နဲ့ ထိဖူးသူတိုင်းပြောကြတယ်။ သက်တမ်းတစ်လျှောက် ပေါက်တူးပေါက်၊ ထင်းခွဲ
မလုပ်ခဲ့လို့ ထင်ပါတယ်။ ဒါနဲ့ စာရေးသူက ပြန်ပြောလိုက်ပါတယ်။ ခုလည်း နူးနူးညံညံ
နေနေရတာပါပဲနော် လို့ဆိုတော့ လုပ်ပါအုံးဟ ဘယ်လိုနူးညံရတာလဲ ဒီလောက် အုတ်
ခဲသယ် ထင်းခွဲနဲ့လေ တဲ့။ သူ့ကိုဆက်ရှင်းပြမိတယ်။
တပည့်တော်တို့တတွေဟာ မြတ်စွာဘုရားရဲ့ နူးညံတဲ့ အမိန့်တော်အတိုင်း နေ
ကြတာ မဟုတ်လား။ အလွန်တရာ နူးညံတဲ့ ၀ိနည်းပညတ်ချက်တွေ အကြားမှာ နူးညံစွာ
နေထိုင်နေကြတာပဲလေ။ ဟုတ်ပါတယ်။ သာသနာတော်ဆိုတာ မြတ်စွာဘုရားက ဒီလို
လုပ်ရင် ဒီလိုအပြစ်ဖြစ်မယ်၊ ဟိုလိုလုပ်ရင် ဟိုအပြစ်ဖြစ်မယ်လို့ နူးညံစွာ ချမှတ်ခဲ့တဲ့
ပညတ်ချကက်များစွာရှိတဲ့ နေရာရယ်ပါ။ ဒါကြောင့် နူးညံ့စွာ နေထိုင်တတ်သူတွေသာ
နေနိုင် ရောက်နိုင်တဲ့ နေရာဖြစ်ပါတယ်။
ဘယ်လိုများနူးညံစွာ နေထိုင်တတ်ရမလဲဆိုရင်၊ ကြမ်းတမ်းစွာ ဖြစ်ပေါ်ပြိးသွား
တဲ့ ကိလေသာတွေကိုလည်း ပယ်ရပါမယ်၊ မဖြစ်သေးသော ကိလေသာတွေကိုလည်း
မဖြစ်အောင် နူးညံရပါမယ်။ နောက်တစ်ဖန် မဖြစ်သေးသော နူးညံတဲ့ ကုသိုလ်ဓာတ်
ကောင်းတဲ့ ဓာတ်တွေ ဖြစ်လာအောင် မိမိမှာ ရှိလာအောင်လည်း နူးညံ့ရပါမယ်။
ကောင်းတဲ့ ဓာတ်တွေ မိမိမှာ ရှိလာပြီဆိုရင်တော့ စိတ်ထားတွေနူးညံ့လာပါမယ်။
နူးညံတဲ့ စိတ်ဓာတ်တွေ မိမိမှာ ရှိလာပြီ ဆိုရင်တော့ အပြောအဆိုတွေကပါ နူးညံ
လာပြီပေါ့။ အပြုအမူတွေလည်း နူးနူးညံညံနဲ့ အပြစ်မဖြစ်ဘဲပြုမူနေထိုင်တတ်လာပြီ။
အော် ကောင်းတဲ့ ဓာတ်တွေနဲ့ ကောင်းတာလုပ်၊ ကောင်းတာပြော၊ ကာင်းတာကြံဖို့
အတွက် နူးညံစွာ နေတတ်ရပါမယ်။ တစ်နေ့တာ ပြောဆို လုပ်ကိုင်နေတဲ့ အပြု
အမူတွေ နူးညံဖို့ထက် (ကိုယ်ကာယ နူးညံဖို့ထက် ) နှလုံးသားထဲက မနောဓာတ်
ကလေး နူးညံစွာ နေတတ်ဖို့ အရေးကြီးပါတယ်။
မောင်ပညာ ( ကေတုမတီ ) ပြည့်ပြည့်

Read more...

Monday, April 11, 2011

ဘယ်သူ့ကိုညာနေတာလဲ

ဝါကျွတ် သီတင်းကျွတ်ကျောင်းပိတ်ရက် ရက်ပြည့်လို့ကျောင်းပြန်ဖွင့်သောညမှာပဲ ဆရာသမားက သြ၀ါဒ

တစ်ပုဒ်ဆုံးမပါတယ်။ ခေါင်းစဉ်လေးက မင်းငါ့ကိုညာနေတာလား မင်းကိုယ်မင်းညာနေတာလား တဲ့။

သီချင်းစာသား လေးတစ်ခုပါ။ ကျွန်ုပ်ရဲ့ခေါင်းထဲမှာ လက်ကနဲ အတွေးလေးတစ်ခု စဉ်းစားမိခဲ့တယ်။ လောကမှာ

လူပုဂ္ဂိုလ်တွေဟာ တစ်ဦးနဲ့တစ်ဦး တစ်ယေက်နဲ့ တစ်ယောက် လှည့်စားနေကြတယ်။ ညာနေကြတယ်။

လိမ်နေကြတယ်။ ဘယ်လောက်ပဲ တစ်ဦးပေါ်တစ်ဦး ညာနေပါစေ သသူ့ကိုယ်သူတော့ ညာလို့မရပါဘူး။

သူလုပ် တာကို သူသိနေတယ်လေ။ သူ့ရဲ့ ကာယကံ၊ ၀စီကံ အို မနေကံ တွေအားလုံးကို သိနေပါတယ်။

သူတပါးကို ညာဖို့ အတွက် မိမိကိုယ်ကို မိမိ အရင်ပြန်ညာနေရတယ်လေ။ ဒါကိုပဲ သူက သူတပါးကို

ညာလိုက်နိုင်လို့ ၀မ်းသာနေသေး။ ငါ့ရဲ့လှည့်ကွက်ထဲ ဒီကောင်ဝင်သွားတယ်၊ ငါလည်လို့ အားလုံမသိအောင်

ညာလိုက်နိုင်တယ် ဆိုပြီး ဂုဏ်ယူနေသေးတယ်။ ကျန်းမာရေးကောင်းတဲ့သူက မကောင်းပါဘူးဆိုပြီး ညာတယ်။

စီးပွားရေးတွေ ကောင်းနေပါလျက်နှင့် သူတပါးကို ပေးရကမ်းရမှာစိုးလို့ မကောင်းပါဘူး ဆိုပြီး ညာတယ်။

တစ်ချို့များနိုင်ငံခြားထွက်ချင်တာနဲ့ ပညာတတ်ဘွဲ့ရတာကို ပညာမတတ်ဘွဲ့မရပါဆိုပြီး စာချုပ်စာတမ်းနဲ့ညာ

ကြသေးတယ်။

တစ်လောကလုံးကို ညာနိုင်ပါစေ မိမိညာတာ မိမိသိနေပါတယ်။ ညာဖို့အတွက်ကြိုးစားနေတဲ့ ကာယကံ၊

ဝစိကံ၊ မနောကံတွေ ဘယ်လောက် ပင်ပန်းလိုက်မလဲနော်။ ဟန်ဆောင်တာလူသိရင် အပူမိမတဲ့။ ဘယ်သူမှ

မသိပါဘူးထင်ပေမယ့် မိမိဆိုတဲ့ လူတစ်ယောက် သိနေတာကိုက အပူမိနေတာပါပဲ။

ဒါကြောင့်ဘုန်းတော်ကြီး မြတ်စွာဘုရားက " အလောက်အောင် ရိုးသားစမ်းပါ " လို့မိန့်မှာခဲ့တာပါ။ တစ်လောက

လုံးက လူ အလေးလို့ ထင်ရလောက်အောင် ရိုးသားပြလိုက်ပါ။ ဂုဏ်အပေါင်းတို့တွင် ရိုးသားမှုဂုဏ်ဟာ အသာ

ဆုံး အမြတ်ဆုံးပါပဲ။ ရိုးသားလို့၊ မညာဘဲနေရလို့ စိတ်အေးချမ်းလေတိုင်း ဘယ်သူ့ကိုများညာရနိုင်မလဲ ညာလို့

ရနိုင်မယ့်နေရာဆိုတာရှိပါ့မလားလို့ မေးမိတယ်။ ဒါကြောင့် အပါးလည်လို့ အပါယ်လားရမည့်

အဖြစ်ကနေ ရှောင်ပြီး ရိုးသားလို့တိုးပွားနိုင်တဲ့ သူတော်ကောင်းတွေ ဖြစ်ကြပါစေလို့ ဆုတောင်းမိပါတယ်။

မောင်ပညာ ( ကေတုမတီ ) ပြည့်ပြည့်


Read more...

Sunday, April 10, 2011

မဟာဂန္ဓာရုံဆရာတော်ဘုရားကြီး အရှင်ဇနကာဘိဝံသ - မှတ်မှတ်ရရ သြ၀ါဒများ

၁။ လောကမှာ နာမည်ကြီး ဥစ္စာပေါတယ် အောင်မြင် ကျော်ကြားတယ် ဆိုတာ အလကား၊
သေတော့ ကိုယ့်ရဲ့ သီလ သမာဓိ ကိုယ်ကျင့်သိက္ခာတွေကိုပဲ အားကိုးစရာ ရှိတယ်၊

၂။ သာသနာဆိုတာ ဘုရားအဆုံးအမ ကိုခေါ်တယ်၊ ဘုရား အဆုံးအမ ဆိုတာကလဲ
အနှစ်ချုပ်လိုက်ရင် သီလ သမာဓိ ပညာ သုံးပါးပဲ ရှိတယ်၊

၃။ ကိုယ်သိမ်မွေ့ပါ၊ နှုတ်ပြော ချိုသာပါ၊ စိတ်က ဖြောင့်မတ်ပါ၊

၎။ မိဘတွေက သားသမီးတွေကို အမွေပေးတယ် ဆိုတာ ကိုယ်က ဘုရင်ဖြစ်လျင်
ဘုရင့်စီးစိမ်၊ သူဋ္ဌေးဖြစ်လျင် သူဋ္ဌေးစီးစိမ်၊ အနေနဲ့ တစ်ဘ၀ စာပဲ
ပေးနိုင်ကြတယ်၊ ဗုဒ္ဓအမွေကတော့ တသံသရာလုံး ကောင်းဖို့ ညွှန်ပေးနိုင်ခဲ့တယ်။

၅။ သံသရာ ဆိုတာ သေပြီးမှ တဘ၀ ကူးတာ မဟုတ်ဘူး၊ နာမ်ရုပ်တွေ အဆက်မပြတ်
ဖြစ်ပျက်နေတာကို ခေါ်တာပါ။

၆။ တစ်ဘ၀ ၏ ကိုယ့်အဖြစ်ကို မကြည့်ပါနှင့်၊ တစ်သံသရာ လုံးရဲ့
ကိုယ့်အဖြစ်ကို မြင်အောင် ကြည့်ပါ။

၇။ သတ္တ၀ါတွေဟာ ဒုက္ခရောက်တာကို ပြောနေကြတယ်၊ သွားနေတာက ဒုက္ခလမ်းပဲ၊ ဒီတော့
ဒုက္ခကြားက ဒုက္ခလောင်းဟာ ဒုက္ခကိုပဲ တွေ့ရတာပေါ့။

၈။ သံဝေဂ မပါလျင် တရားမရှာလေနဲ့၊ ရမှာ မဟုတ်ဘူး။

၉။ သတ္တ၀ါတွေဟာ ဒုက္ခ မရောက်သေးသမျှ မကြောက်ကြဘူး။

၁၀။လောကကြီးမှာ ဘယ်လောက် ကြီးကျယ် အောင်မြင် ကျော်ကြားနေပါစေ၊ သေခါနီးမှ
မျက်ရည် လည်ရရင် လူဖြစ်ရှုံးတာပါပဲ။

၁၁။ အမှတ်မဲ့ နေသူရဲ့ စိတ်ဟာ အကုသိုလ်ဖက် သွားနေသလို အကုသိုလ်တွေ
အကျိုးပေးဖို့အတွက်လဲ ထိုသူ့မှာ အဆင်သင့် ရှိနေတတ်တယ်။

၁၂။ဘုန်းကံ ဆိုတာ ရှေးက ပါခဲ့ပေမယ့် ယခု ဘ၀ ကြိုးစားမှု့ကလဲ ရှိရတယ်၊
စင်စစ်တော့ ကံ ဆိုတာ ရေလာ မြောင်းပေး လုပ်မှလည်း ကောင်းကျိုး ရှိရာ
ကောင်းကျိုးလာပြီး မကောင်းမှု့ရှိရာ မကောင်းကျိုး လာမှာပဲ၊

၁၃။ စိတ်နေ စိတ်ထား ဆိုတာ သေးသိမ်တဲ့ နေရာမှာ နေပြီး သေးသိမ်တဲ့
အလုပ်တွေကို မြင်နေ ကြားနေရရင် ကိုယ့်စိတ်ကလဲ သေးသိမ်လာပြီး ကြီးကျယ်တဲ့
အလုပ်ကို မြင်ရ ကြားနေရမှ ဓာတ်ကူး ပြီး ကြီးကျယ်လာတတ်တယ်၊

၁၄။ လူတွေဟာ ကိုယ့်ဥာဏ်က မမှီလျင် သူတပါး သိတာတွေကိုလဲ မယုံကြည်ကြ အမှန်
မထင်တတ်ကြဘူး၊

၁၅။ သူများ အပြစ်ကို မကြည့်ပါနဲ့၊ ကိုယ့်အပြစ် ကို မြင်အောင် ကြည့်ပါ၊

၁၆။ အရာရာမှာ ပထမ ဗဟုဿုတ ရှိဖို့၊ ဒုတိယ သတိထားဖို့၊ တတိယ မှန်သလား
မမှန်သလား စုံစမ်းဖို့ နဲ့ စတုတ္ထက ၀ီရိယ နဲ့ အလုပ် လုပ်နေဖို့ပဲ၊

၁၇။ သန့်ရှင်းတဲ့ နား အကြားများတယ်၊ ကြည်လင်တဲ့ မျက်စိ အမြင် များတယ်၊
စင်ကြယ်တဲ့ စိတ်က အသိများတယ်၊

၁၈။လောကကြီးမှ ဂုဏ် ရှိဖို့ထက် ရှိပြီး ဂုဏ်ကို ထိမ်းသိန်း နိုင်ဖို့က ပိုခက်တယ်၊

၁၉။ ကိုယ့်ကို ပတ်ဝန်းကျင်က မချစ်ရင်တောင် မမုန်း ကြဖို့က ပိုအရေးကြီးတယ်၊

၂၀။ ကိုယ့်ကိုယ်ကို အထင်ကြီး စိတ်ကြီး ၀င်နေလျင် သူတပါးကို အထင်သေးတာ
သဘာဝ ပဲ၊ ဒါကို သတိထားစေချင်တယ်။

မဟာဂန္ဓာရုံဆရာတော်ဘုရားကြီး အရှင်ဇနကာဘိဝံသ

Read more...
 

ထနောင်းရိပ် © 2008. Design By: SkinCorner